Vuos geahččalii Ruoŧa girku bissehit su juoigamis ipmilbálvalusas. Muhto kritihka maŋŋá čuoččui Jörgen Stenberg loahpas Julevu duopmogirkus ja rohttestii luođi Skilget mainna vuittii Sámi Grand Prix giđđat.
– Diet lea oalle loose luohti mii lea riegadan dovddus man lean guoddán eananávkkástallamiin, mo olggobeal beroštumit biđgejit ja bilidit olles min kultuvrra, dadjá Jörgen Stenberg.