Guorahallan maid SLU lea dahkan vuovdestivrra ovddas, čájeha ahte 40 proseantta davvi Ruoŧa vuvddiin leat máŋggalágan vahágat. Beziin leat 48 proseantta vahágát. That vahágat leat erenoamážit Norrbottenis, doppe leat 60 proseanta vuvddiin dahje eanet vahágahtton ja eandalii smávva vuvddit.
“Vahágahtton vuvddiin unno árvu”
Sus leat alddis vuovddit main leat guohtun– ja guopparvahágat. Mii guoská guobbarii, de dat álkit levvet beziide main leat guohtunvahágat.
– Dan mii ferte dál eastadit, muđui šaddet hui stuorra váikkuhusat. Sihke vuovdeoamasteaddjiide go vuovddit billašuvvet ja eanaopmodagas árvu njiedjá. Stuorámus váikkuhus vahágiin lea vejolaš ávnnas váilivuohta go vuovddit leat čuollan muttos, čilge LRF Norrbottena sátnejođiheaddji Jenny Karlsson.
Ná sáhttá vahágiid ráddjet
Ovddeš vuovdedoallopolitihka lea duogáš dasa manin leat nu stuorra vahágat, ja dat leat historjjálaš sivat:
– 50 – 60 – loguin geavahedje šaddosuodjalanávdnasiid lastamuoraide, mat rievtti mielde leat sarvvabiepmu. Dasto bođii njuolggadus ahte ii galgan čuollall dán guoppar váikkuhuvvon beziid go dat galge leat bessenmuorran lottiide. Muhto dat ii lean jierpmálaš go guoppar leavai dáid muorain, muitala Jenny Karlsson.
Vuolgge mielde ja geahča Jenny vuovddi, mas leat máŋggalágan vahágat – ja guldal mo daid sáhttá eastadit.