– Mun háliidan dadjat ahte olmmošvuoigatvuođaid rihkkun lea ain dáhpáhuvvamin. Odne lea 677 beaivvi dan rájes go Fovse-duopmu celkui Alimusrievttis, logai Giæver go oaččui bálkkašumi.
Oktiibuot lei «Ellos Eatnu» filbma evttohuvvon gávcci kategorijain.
Dasa lassin oaččui maiddái resissevra Ole Giæver bálkkašumi buoremus regiija ovddas, ja neavttár Gard Emil Elvenes bálkkašumi buoremus bi-rolla dievdduid gaskkas.
Amandabálkkašupmi lea jahkásaš filbmabálkkašupmi maid Norgga filbmafestivála lágida ovttasráđiid Norgga Filbmainstituhtain.
Dán jagi lágiduvvui 38. geardde, ja lágiduvvui Haugesunddas.